Thu. Jan 9th, 2020

اعرف ازاي تتبسط في اسكندريه !!؟

اعرف ازاي تتبسط في اسكندريه !!؟ ازيكوا عاملين ايه !!؟ … انهارده هنكلمكوا عن اسكندريه و جمال و حلوة اسكندريه في الشتاء حاجه لا توصف ولازم تجربها بنفسك. احنا دورنا هنا ان بعد متخلص المقاله دي هتكون عارف ازاي تتبسط في اسكندريه وتغيير المود بتاعك بمعني الكلمه . هنتكلم عن 1 -الاماكن الممكن تزورها . 2-المطاعم المشهوره . هنبداء بالاماكن ممكن تروحها وياسلام لو قدرت تروحهم كلهم لانك كده كده هتتبسط . 1.قلعة قايتباي نتكلم عن مين قايتباي اصلا !!؟… قايتباي هو مالك من المماليك و كان بيهتم بالاسكندريه جدا و حكم 18 سنه وبني القلعة الخاصه بيه التصنيف بتاعه من احسن او افضل المباني الحربيه و من بعد الملك قايتباي كل الملوك اهتموا جدا بالقلعه دي تم بناءها مكان المناره القديمه بعد انهيارها في الزلزال سنة 882 هـ في عصر السلطان الناصرمحمد بن قلاوون وطبعا القلعه من اهم و اقدم المعالم الاسلاميه شيدت القلعه لتكون حمايه للاهالي و الجيش فترة بناء القلعه سنتين سور القلعة بارتفاع 4 متر و عرض 2 متر ده غير ان القلعه بتستقبل سياح اجانب طول السنه رسوم دخول القلعه 20 جنيه مصري للمصريين و العرب 30 جنيه مصري للاجانب و فترة العمل من 9صباحا الي 5مساء العنوان :: حي بحري آخر الكورنيش، الإسكندرية 2. متحف الاحياء المائيه المتحف ده هتتبسط في جدا لو بتحب الكائنات البحريه غير كده منصحكش تروحوا المتحف بيحتوي علي احواض بداخلها انواع مختلفه من الكائنات البحريه زي سمك المياه العذبه و المالحه اسماك نادره جدا و صعب تشوف زيها ده غير الزواحف البحريه و نباتات في الاحواض و بعض القواقع و الصدف في كمان هياكل متحنته لحيتان مجسم لعروسة البحر المتحف كمان فيه معمل لعمل ابحاث و تحاليل عن الكائنات البحريه و من الظريف و المفيد جدا ان علي كل حوض لوحه مكتوب عليها معلومات عن الكائن الموجود في الحوض رسوم الدخول 5 جنيه مصري للمصريين و العرب 10 جنيه مصري للاجانب فترة العمل من 9 صباحا الي 4 مساء العنوان :: حي الأنفوشي، بجانب قلعة قايتباى، الإسكندرية 3. متحف المجوهرات العائله المالكيه المكان ده هتتبسط منوا جدا لانك هتشوف حاجات جميله و المكان نظيف بطريقه فظيعه و المجوهرات مش محتاجه كلام عليها خالص بمعني اصح هتعجب المش بيعجبوا العجب القصر ده كان ملك للاميره فاطمه الزهراء من اسرة محمد علي و تحول الي المتحف في سنة 1986 بقرار جمهوري المتحف يحتوي علي حوالي 11500 قطعه من مختلف الانواع زي الساعات المصنوعه من المجوهرات و مجوهرات و احجار كريمه و متقسمين علي 10 قاعات رسوم الدخول 10 جنيه مصري للمصريين و العرب و 50 جنيه مصري للاجانب فترة العمل من 9 صباحا الي 5 مساء العنوان :: 27 ش احمد يحي بجوار مدرسة زيزينيا الاسكندرية 4.مكتبة الاسكندريه المكتبه حرفيا شكلها خيالي وصرح معماري ضخم جدا و فوق مستوي الروعة فاق كل الكلام الممكن يتقال المكتبه فيها عدد ضخم من الكتب في كل المجالات و العلوم و بكل اللغات وعشان لو حبب تقرا كتاب صعب جدا انك تدور عليه طبعا بس المكتبه موفره حاجه لطيفه جدا و هي انك ممكن تستخدم اجهزة الكمبيوتر عشان تبحث علي الكتاب في الارشيف ف توصله بسرعه المكتبه فيها حاجات كتير غير الكتب منها متحف للطباعه :: موجود فيه اول الاله للطباعه ,اول مكتوب , اول اللاله للكتابه و كتاب مكتوب فيه مرتب لمواظفين في الديوان . متحف السادات :: المتحف ده بينقلك لحته تانيه خالص بيخليك تحس انك عايش معا الرئيس السادات المتحف فيه اغراضه الشخصيه زي البايب , الكبريت , فرشة الاسنان , معجون الاسنان , ملابسه , الراديو , المصحف الشريف و حاجات تانيه كتير زي جايزة نوبل و القلم الواقع بيه معهدة السلام ده غير حاجه جميله جدا ان في المتحف شغال قران بصوت السادات و هو بيقرا اية الكرسي المكان هيعجبكوا جدا متحف المخطوطات :: المتحف ده بيحتوي علي المقتنيات الخاصه بالمشاهير و خرايط و عملات قديمه و قطعتين من كسوة الكعبه الشريفه متحف الاثار :: المتحف فيه اغلب الاثار التم اكتشافها في اسكندريه من اثار اسلاميه , قبطيه و رومانيه متحف مابعد الحياه :: المتحف مش كبير اوي ولكن فيه هياكل اجسام و اجسام متحنته لسه زي مهيا من سنين كمان فيه هناك تمثال اسموا تمثال الحظ عشان كانوا بيتفالوا بيه جدا طبعا دي تعتبر فقره صغيره جدا عن المكتبه لان مش هنقدر نغطيها كلها لان المكتبه كبيره جدا و فيها متاحف كتير جدا حاولوا تلفوها كلها رسوم الدخول للمصريين و العرب 5 جنيه مصري و للاجانب 70 جنيه مصري لكن في بعض المتاحف برسوم اضافيه فترة العمل من 10 صباحا الي 7 مساء 5.كوبري ستانلي تم بناء الكوبري حديثا بقرار المحافظ عبد السلام المحجوب الكوبري اتعمل عشان يسهل حركة المرور الحقيقه ان الكوبري شكلو اثري جدا بالرغم من ان هو لسه جديد بس ده حصل بسبب ان الكوبري اتعمل علي شكل القصور الاثريه القديمه و بفضل كثافة الانوار بليل بقي شكلو جذاب و بيشد الاجانب قبل المصريين 6.رحله اليخت بالانفوشي في مراكب و يخوت كتير جدا في الانفوشي جانب قلعة قايتباي بيعملوا رحله في البحر ساعه تقريبا بتبقي ظريفه لو انت من الناس البتحب البحر من المميزات ان ممكن تاخد المركب كله او اليخت خاص ليك انت و علتك و مش غالي خالص في مراكب رخيصه و بتحسبك علي الساعه مش العدد فاتاكد قبل متروح الرحله انك تلاقي حد كويس فسعره لان هما كتير متقلقش هتلاقي سعر يعجبك 7.المنتزه و المعموره خلينا متفقين من الاول ان المنتزه و المعموره من الاماكن المش هتنسها ابدا في حياتك لان الاتنين هيبهروك حرفيا بنتكلم عن الاتنين مع بعض عشان مكانهم جنب بعض بالظبط فهيبقي سهل تزور الاتنين مع بعض المنتزه حدايق كتير جدا جنب بعض و قصر الملك فاروق وقصور صغيره جانب بعض ومرسي يخوت و مراكب المكان ده ينفع تعمل في كل حاجه زي ايفنت او نشاط اوت دور تاخد عيلتك او صحابك و تعملوا حفلة باربيكيو او عيدميلاد ممكن تلف بالعربيه جوه في اسفلت و العربيات بتدخل عادي و تشغل فيروز تصور احلي فيديو ينزل استوري و اهو تعدي و تتشهر اما بقي المعموره ممكن تاجر هناك حاجه هتفعد في مكان هادي جدا نضيف هتلاقيها شبه القريه الخاصه فممكن تروح اسكندريه عشان تقعد في المعموره بس و هتتبسط جدا تقدر البنات تاجر عجل هناك الان المعموره امن جدا و فيها امن و ظباط شرطه كتير جدا مفيش حد هيقدر يضايقهم في ملاهي المعموره طبعا ده ملاهي معديه جدا زي دريم بارك الفي القاهره بس دي ارخص للكبار و الصغيرين كفهيات ومطاعم بتشتغل 24 ساعه تقريبا علي الشاطئ نتكلم عن اشهر 5 مطاعم في اسكندريه لازم تروحهم 1.مطعم البان سويسرا انت لو روحت اسكندريه من غير متروح البان سويسرا متقولش انك روحت اسكندريه هو اسمو البان اه بس هو مطعم متستغربش انت هتدخول تحس انك غرقان في الجبنه السايحه بيعمل سجق , كبده اسكندراني , بسطرمه , سوسيس, بطاطس , بيض ,كابوريا بالجبنه السايحه ده جزء بس من المنيو عيش انت بقي هناك مكانوا شارع بورسعيد كامب شيزار 2.كبده الفلاح وطبعا مش محتاجين نشرح لان كبده الفلاح علامه في الكبده الاسكندراني و مفيش حد ميعرفهوش بس كان لازم نذكره وطيعا ده بسبب الليمون و تقطيعة الكبده و الفلفل الخلطه المظبوطه الهيخلوك تضرب بتاع 15 20 رغيف كده هتقولي ازاي هقولك معرفش انت هتروح و تشوف بنفسك الناس بتعمل ايه هناك ايه السر ورا كده خلينا نعتبروا رزق من عند ربنا و نقول ماشاء الله مكانوا في محطة الرمل شارع صفيه زغلول جانب سينما مترو اوعي تنسي بعد متخلص علي الكبده انك متحليش بالكنافه النابلسيه من جانبوا 3.حوده جيندل هتدفع 50 جنيه هتاكل كل انواع السمك الممكن تتخيلها ومش هتقدر تخلصها سبب شهرته ان سعره رخيص مقابل الكميه و حلوة طعم الاكل مكانه في محطة الازاريطه 4.الشيخ وفيق هتروح تاكل رز بالبن بالمكسرات ب 18 جنيه بس حاجه كده متكلفها مكانوا شارع قصر التين بحري 5.البن البرازيلي عشان تظبط دماغك بقي هتروح هناك تخود فنجان قهوه حلو كده عندهم كل انواع القهوه و الاشكال و اي قهوه ممكن تتخيلها و المكان كله رحته قهوه بسبب المطحن بتاعتهم مكانوا تقاطع شارع سيزوستريس و شارع صلاح سالم محطة الرمل وكده احنا نكون عرفناك اسكندريه كله و ايه الممكن تروحوا و اكلت حادق و حلو وظبط دماغك بقهوه عايز ايه تاني يلا خود عيلتك و شد علي اسكندريه ملحوظه :: الاسعار مواعيد العمل قابله للتغيير ف احسن حاجه تتاكد بنفسك من المكان نفسوا و انت هناك